Brian Wallace er frå Boston i USA. Etter avslutta utdanning ved The Art Institute of Boston drog Wallace til Oslo og deretter til Haugesund.
Brian Wallace er ein viktig del av Haugesunds kunstnarmiljø. Wallace arbeider mykje med grafikk, men bruker også akryl i sine kunstverk. For svært mange haugesundarar står arbeida til Brian Wallace i særklasse.
Kunstnaren er kjent for å fange vestlandslyset og kanskje haugesundslyset spesielt. Gjennom løvdekte trær, i Sundet, mot husfasader, på eit tak. I bileta hans kjem kunstnarens interesse for arkitektur også klårt til syne.