Ryvarden har gleda av å invitere deg/dykk til Filmkulturell dag - lørdag 13. mars frå kl. 12.00 - 24.00
Programmet denne dagen inneheld også opning av kunstutstillinga 2 ROP frå ARKTIS som er eit samarbeid mellom Olaf Storø og Anne B. Ragde. Kunstutstillinga med litografi og tekst vert offisielt opna kl. 13.00 av forfattaren Einar Økland.
Film, litteratur, musikk, teater, kunst - ein rød tråd.
Filmen - og då den norske kort-dokumentar og arkivfilm som har hav og kyst som hovudtema, vil få plass hjå oss. Det vert innslag av musikk og teater, og visning av eit utval av musikkvideoer av heavymetal gruppa ENSLAVED. Medlemmer frå gruppa vil då vere til stades.
Både Olaf Storø og Anne B.Ragde kjem til å vere med heile denne dagen, og vi kan love eit innhaldsrikt og spennande program.
Billettar kan kjøpast hos Sveio Café & Catering og hos Dahl Rammeservice i Haugesund frå og med torsdag 18. februar.
Billettpris kr. 250,- Ikkje vent med å sikre deg billett - det er eit svært begrensa tal billettar for sal!
Velkommen til ein spennande dag på Ryvarden Kulturfyr! Kaféen er open heile dagen.
Se program under "Les mer"